| 週日 ... «海角七號»
另一個角度 ... 感受懇丁。
九月遊台灣時, 從小徑民宿老闆口中認識«海角», 他說這是一部滿載夢想的電影...
同時它實現了台灣人多年來的夢想。對他們而言, 這是一份驕傲。
其實懇丁這地方, 亦實現了老闆的夢想..
小徑民宿的老闆bear及kili, 本身是工程師及美術老師, 為了讓旅途上的客人增添美好回憶,
二人放下穩定的工作, 跑到懇丁開設小徑民宿。
參照希臘小白屋建成的民宿, 一草一木充滿了二人的心思... precious memories there .. 
 
|
| |
| 
第一個出爐蛋糕 !!
一直以來, 自覺在這方面零天份。
記得大學時樓姊妹們勁整蛋糕, 但我簡簡單單焗個朱古力蛋糕都搞到一穫泡。
畢業時她們不少已是整cake高手, 我依然只敢將蛋糕(嚴格而言是mousse吧!)放入雪櫃。哈哈!
所以近年出自我手的, 就只有tiramisu, 藍莓芝士凍餅和木糠布甸, 齋到不行。
近日為了某人生日, 五年來首次放開懷抱, 焗了一個Newyork cheese cake。
這個cake不算難做, 但以我那副雞手鴨腳, 就足足在廚房搞了兩粒幾鐘。
雖然餅底散了, 但味道很okay呢。
三月生日的朋友y, 有幸的話, 下年可以收到我欠你的hand make蛋糕。
|
| |
|
bought on 07.06.08
30.09.08 於將軍澳遇溺，搶救無效。
雖然係零機價，但只係用o左幾個月... 個款我好鍾意。
唉呀，每幾個月就失魂一次，早排先跌完八達通... *_*
-----------------------------------------------------------------------------------------
同阿B睇 <<Mamma Mia>>，電影中心好有o個個年代o既感覺。
喜歡Sophie出嫁前，Donna回憶往事的一幕，首歌好好聽 ... 腦海不停重複ABBAo既歌。
原來男主角Dominic Cooper係<<The Duchess>>入面o既Charles Grey，估唔到佢唱歌咁好聽...
好開心的一晚...
|
| |
| 物價真係越來越貴...
太耐無食麥記，上星期同朋友去，叫個麥樂雞餐。
潛意識拎張廿蚊紙出來，staff哥哥呆o左... "er..$24.5喎小姐。"
係咩... 朋友串我："早餐都廿幾蚊啦。"
今日去買叉燒，記得以前美心買好似四十幾蚊斤，廣東燒味賣成六十四蚊。
諗住好食，求其買o左半斤。
開飯時一睇，o華! 都唔知有冇十五舊...
媽媽冷冷拋下一句: "你冇買開唔知姐，而家係咁上下價錢啦。"
所以，生果大樓canteen真係好抵，$17.5一個雙併飯，okay好食的，邊度搵。 |
| |
